Bo tin pregunta tocante e Atlas di Impacto di Clima Aruba? Wak si bo pregunta ta riba e pagina di Pregunta Frecuente. Bo pregunta no ta riba e lista? Click riba Contacto y haci bo pregunta.
General
Akibou bo ta haya contesta riba pregunta general tocante e Atlas di Impacto di Clima Aruba.
Con bo ta uza e Atlas di Impacto di Clima Aruba?
E atlas ta sumamente adecua pa gobierno local haya un promeimpresion di e efectonan di cambio di clima pa Aruba. Ademas, e ta relevante pa, por ehempel, institutonan di enseñansa, studiante, empresa y cualkier ciudadano. Por uza e infromacion den dje gratuitamente.
Di kico e atlas ta consisti?
E Atlas di Clima Aruba tacontene mapa, splicacion di mapa, estadistica y storia tocante e clima di Aruba. Den e mirado botawak tur mapa disponibel den un biaha. Splicacion di mapa tacontenedetaye di e mapanan den e mirado y nantasplicabo con pauzanan. E storianantalagabo experiencia loke cambio di clima lo nificapa Aruba y diconta importante pa prepara nos isla riba posibel consecuencia di un cambio di clima.
Mirado di Mapa
Akiboubo ta hayacontestaribadiferentepreguntarelaciona cu e mirado.
Con ta uza e mirado?
Den e mirado bo por weita varios mapa cu ta indica posibel consecuencia di cambio di clima den bo area, cu enfasis riba un posibel inundacion y cantidad di calor. Tin ademas mapa cu ta duna informacion basico tocante temanan manera calor di subsuelo, vegetacion, geologia, estado di nos palonan di mangel y areanan cu tin rooi of dam. Bo por click y busca un area specifico of zoom riba dje pa bo haya un bista mas extenso.
Con bo ta scoge e capa di mapa den e mirado?
Tur mapa ta localisa den e mirado. Na man robes di e pantaya tin un hoki titula “Agrega capa di mapa”. Den e hoki aki bo por scoge e diferente capa di e mapa cu bo kier wak. E funcion di zoom ta laga bo extende e pantaya na moda cu bo por fiha e camara riba bo propio bario.
Con por visualisa e capanan di mapa?
Bo a selecta un of mas capa di mapa den e bentana na man robes? Click despues riba “Wak capa di mapa” den e huki ariba na man drechi. Ta aparece cuater circulo cu ta permiti bo selecta un escenario di clima. Bo por compara e clima actual, cu ta na banda robes, cu cuater diferente escenario: Esun “Abou”, un cambio di clima limita of esun “Halto”, cu cambio di clima significante na aña 2050 y na aña 2100. E area shinishi bou di cada capa di mapa ta indica e escenario pa cua tin informacion disponibel. Bo no ta mira un mapa ora bo click riba dje? Probablemente no tin informacion disonibel pa e escenario cu bo a selecta. Selecta clima actual of un otro escenario.
Tur posibel efecto di cambio di clima ta den e mirado?
E mirado ta contente capa di mapa segun e disponibilidad di informacion (espacial) habri obtenibel. No ta tur posibel informacion di e efecto di cambio di clima tin mapa of por keda indica den un mapa.
Splicacion di mapa
Akibou bo ta haya contesta riba varios pregunta pa bo sa ta con bo ta uza e splicacion di mapa.
Kico ta e diferencia entre mirado y splicacion di mapa?
E mirado di mapa ta visualisa tur mapa cu un splicacion cortico. E ta contene informacion fundamental tocante e capanan di mapa mas importante y e ta yuda bo compronde y uza nan bon.
Con bo por uza e splicacion di mapa?
E splicacion di mapa ta duna informacion fundamental tocante e mapanan mas importante den e mirado. E ta splica loke bo ta mira riba e mapanan y e ta indica con bo por uza e informacion eynan. E splicacion di mapa ta trata varios topico manera “Costa di futuro” y “Temperatura di superficie di tera”. E tab den e menu te ariba ta contene e tema splicacion di mapa. Tambe ta posibel pa click riba un mapa den e mirado y bay asina na e splicacion corespondiente. Pa por haci esey, click riba “Mas informacion” den e leyenda na man drechi te abou riba e pantaya.
Storia
Akibou bo ta haya e contesta na varios pregunta tocante e storianan.
Di unda e storianan a bin?
E storianan, skirbi pa Rosabelle Illes, ta basa riba e impacto identifica durante e tayer di grupo di interes di e Atlas di Impacto di Clima teni dia 31 di januari 2025, y ta basa riba evidencia cientifico obtenibel riba e website di e Atlas.
Pakico por uza e storianan?
E storianan por laga bo experiencia e consecuencianan di cambio climatico na Aruba for di diferente perspectiva. Tambe nan ta mustra posibel solucion. Por uza nan pa conscientisa of pa cuminsa un combersacion riba e riesgonan di cambio climatico pa Aruba. Por ehempel, den educacion.
Estadistica
Akibou bo ta haya un pregunta relaciona cu estadistica.
Con a yega na e estadisticanan?
E estadisticanan ta basa riba e miho fuentenan disponibel. Esakinan ta accesibel cu un link na e herment.
Pidi informacion
Akibou bo ta haya contesta riba varios pregunta tocante descargamento di informacion for di e Atlas di Impacto di Clima.
Con bo por download imagen di un mapa?
Pa download un mapa den PDF, click riba e icono ‘print’ den e mirado. Pa haya file di GIS, primi riba e tab “Pidi informacion” y yena e formulario corespondiente.
Con por download informacion adicional?
Bo kier download data di GIS for di e Atlas di Impacto di Clima Aruba? Bo por pidie cu e formulario “Pidi informacion”. E informacion ta gratis, pasobra e ta di Geopackage/Geotiff y e informacion ta habri. Bo ta bay uza e informacion aki den pa, por ehempel, un presentacion of articulo? Menciona ‘Atlas di Impacto di Clima Aruba, 2025’ e ora ey como bo fuente. E ta obligatorio pasobra e informacion ta bou licencia di Creative Commons (CC BY 4.0). Ademas ta bon pa referi na e fuente original di e informacion corespondiente: esta e organisacion cu a desaroya e mapa na prome instante. E informacion ey ta pone semper bou di e leyenda.
Por uza informacion di e Atlas di Impacto di Clima Aruba den otro aplicacion?
Si, por uza informacion di e Atlas di Impacto di Clima Aruba den un otro aplicacion. E informacion ta habri. E atlas ta basa riba informacion habri pa facilita su uzo den instancia di gobierno y den empresa, moda cu nan por uza e informacion aki libremente pa, por ehempel, dialoga tocante posibel riesgo ora ta trata cambio di clima. Bo ta bay uza informacion di Clima Aruba? Menciona bo fuente asina’ki: ‘Atlas di Impacto di Clima Aruba, 2025’. Esaki ta obligatorio pasobra e informacion bou licencia di Creative Commons (CC BY 4.0). Ademas ta bon pa referi na e fuente original di e informacion corespondiente: esta e organisacion cu a desaroya e mapa na prome instante. E informacion ey ta poni semper bou di e leyenda.
Tin gasto envolvi pa uzo di informacion di e Atlas di Impacto di Clima Aruba?
E Atlas di Impacto di Clima Aruba ta un plataforma habri: e informacion ta publico. P’esey tur hende por uza e informacion di e atlas gratuitamente. Bo por download informacion for di e mirado den PDF. E helpdesk tambe ta brinda data gratuitamente den formato GIS.
Ken ta para responsabel, si resulta cu e informacion den e atlas ta incorecto?
E intencion di e mapanan den e atlas ta pa duna bo un bista di e extension di e efecto di cambio di clima y e ta sirbi pa pone e tema di adaptacion di clima den bista publico. Como cu e mapanan ta duna un prome impresion, nan no ta adecua pa tumamento di decision local. P’esey e institutonan cientifico envolvi y Fundacion CAS no ta para responsabel pa consecuencianan di cualkier suposicion basa riba e texto of e mapanan di e Atlas di Impacto di Clima Aruba.
Ki grado di resolucion e mapanan tin?
E mapanan den e atlas ta duna bo un imagen na nivel di isla. Na nivel local, e ta duna mayoria biaha un bista grof y indicativo. E resolucion espacial ta diferencia pa cada capa di mapa. Click riba e conopi ‘Mas informacion’ den e capa di mapa corespondiente, si bo kier haya mas informacion.
Desaroyo y actualisacion di contenido
Akibou bo ta haya contesta riba pregunta tocante desaroyo y actualisacion di e Atlas di Impacto di Clima Aruba.
Ken a desaroya e mapanan den e atlas?
For di 2024 Fundacion CAS (Climate Adaptation Services) hunto cu e NCRC a desaroya e Atlas di Impacto di Clima cu financiamento di e Panel Internacional riba Delta, Costa y Islanan (IDPC). Pa mas informacion, bay na “Tocante Nos”.
Ken a desaroya e mapanan den e atlas?
Varios instituto cientifico a desaroya e mapanan di e Atlas di Impacto di Clima Aruba. Na cada capa di mapa bo ta haya un seccion di ‘Mas Informacion’ cu ta indica cua organisacion a desaroya kico. E informacion aki ta visibel na man drechi den e hoki ‘Mira capa di mapa’ bou di e leyenda. Si bo click riba e tab ‘Ken nos ta’, bo por lesa tambe mas tocante desaroyo di e atlas.
Ken a compila e splicacion di e mapanan den e atlas?
E splicacion di e mapanan ta compila pa e institutonan cientifico cu a desaroya e mapanan, den colaboracion cu Fundacion CAS.
Cu ki frecuencia ta actualisa e atlas?
Nos meta ta pa actualisa e atlas cu mapa nobo y adicional ki ora cu e oportunidad presenta y data nobo ta obtenibel.