E Atlas di Impacto Climatico di Aruba ta mustra e efectonan actual y cu ta proyecta pa e isla.
Pakico un Atlas di Impacto Climatico di Aruba
E Atlas di Impacto Climatico di Aruba ta reuni informacion clave tocante e impacto di cambio climatico na Aruba. Aunke hopi organisacion publico y priva ta trahando pa mitiga e impacto di cambio climatico, e data cu ta disponibel pa Aruba ainda ta limita y fragmenta. E Atlas di Impacto Climatico di Aruba ta e resultado di esfuerso conhunto, treciendo hunto e informacion y conocemento disponibel den un espacio central pa e uzo di diferente stakeholder y sector. E obhetivo ta pa fomenta un comprondemento general y bista mas profundo entre stakeholders riba e riesgo y impacto di cambio climatico pa asina desaroya un resiliencia climatico di un manera husto, inclusivo y ekitativo.
Ken ta contribuyendo na e desaroyo?
E Atlas di Impacto Climatico di Aruba ta parti di e Consejo Nacional di Resiliencia Climatico (NCRC; ncrc-aruba.org). NCRC ta basa riba un model climatico quinteto. Di e manera ey, e NCRC ta alinea sociedad publico, priva, civil y academico, mescos cu socionan internacional, pa avansa den e resiliencia climatico na y pa Aruba door di fomenta y fortalece e habilidad nacional di wanta y adapta na un compleho di impacto climatico. E ta busca di transforma y siña mientras ta afronta cambionan climatico actual y den futuro, salvaguardiando asina tur individuo, residencia, sector y institucion, mescos cu naturalesa, biodiversidad y ecologia pa tin e derecho, e capacidad y e oportunidad di mehora y hiba un bida digno y pleno. P’esey, comparti data climatico ta esencial entre organisacionnan publico y no-gubernamental, mescos cu e sector priva y comunidad cientifico local, regional y internacional.
E Atlas di Impacto Climatico di Aruba ta desaroya hunto cu NCRC y CAS Foundation (Climate Adaptation Services), y financia pa e International Panel on Deltas, Coasts and Islands (IPDC).
Algun conseho o pregunta?
Bo tin un pregunta, comentario of conseho pa e Atlas di Cambio Climatico di Aruba? Por fabor yena e formulario na helpdesk. Fundacion CAS lo tuma contacto cu bo lo mas lihe posibel. Solamente lo uza bo informacion pa contesta bo pregunta.